ඔන්න ඉතින් බයිස්කෝප් වෙතින් පහුගිය කාලේ එක දිගටම ගින්දර වගේ ඉංග්‍රීසි ෆිල්ම් දුන්න නිසා වෙනසකටත් එක්ක අළුත්ම අළුත් සුපිරිම හින්දි ෆිල්ම් එකකටත් සිංහල සබ් එක්ක ගෙනාවා. ඒ මොකද ඔයාලා බයිස්කෝප් වෙතින් එන සිංහල සබ් ෆයිල් එක එනකන් බලාගෙන ඉන්නවා කියලා. ඉතින් ඔයාලගේ ඒ බලාපොරොත්තුව සුන් කරන්නේ නැතුව අපිත් දහසක් වැඩ රාජකාරි මැද්දේ ඔබේ වින්දනය උදෙසා හැකි තරම ඉක්මනින් ෆිල්ම් එකේ සිංහල උපසිරැසිය ගෙනාවා………
මේක අධ්‍යක්ෂණය කරලා තියෙන්නේ හෝමි අධාජනියා විසින්. මේකේ ඉන්න කට්ටිය ගැන ආයේ අමුතුවෙන් කියන්න ඕනි නෑනේ, ඔයාලට මේ පින්තුරේ දැක්ක ගමන්ම දන්නවානේ කට්ටිය කවුද කියලා. මම එයාලගේ ෆිල්ම් එකේ චරිත වල නම් ටික විතරක් කියන්නම්. සයිෆ් අලි කාන් ගෞතම් කපුර් ලෙසත්, දීපිකා පාදුකොන් වෙරෝනිකා මලන්රි ලෙසත්, ඩයනා පෙන්ටි මීරා ශනි ලෙසත් ප්‍රධාන චරිත වලට පන පොවනවා. තව මෙහි බෝමන් ඉරානී, රන්දීප් හුඩා වගේ ප්‍රසිද්ධ තරුත් චරිත නිරුපනය කරනවා.
මෙහි කථාව වෙන්නේ මෘදුකාංග ඉංජිනේරුවෙක් වෙන ගෞතම් කපුර් ටිකක් සෙල්ලක්කාර කෙනෙක්. ඔහු ඉන්දියාවේ සිට ලන්ඩන් බලා එන්නේ තමන්ගේ අළුත් රැකියාව ආරම්භ කිරීමට. මේ අතර මීරා ශනි ඇයගේ විවාහක ස්වාමි පුරුෂයා සොයාගෙන ලන්ඩන් වලට පැමිණෙනවා. නමුත් ඇය ඒ වන විටත් බොරුවකට අසුවෙලා කියලා දැන ගන්න කොට ඇයගේ සල්ලි ඔහු සොරාගෙන අවසානයි. නමුත් මේ වෙලාවේ ඇයට වෙරෝනිකා මලන්රි පිහිටට පැමිණෙනවා. වෙරෝනිකාත් හරිම මුරණ්ඩු හිතුවක්කාර චරිතයක්, අවසානයේ ගෞතම් පැමිණ නවාතැන් ගන්නෙත් වෙරෝනිකා ගේ නිවසේයි. දැන් ක්‍රමක් ක්‍රමයෙන් ගෞතම් හා මීරා අතර ප්‍රේමයක් දළු ලා වැඩෙනවා. නමුත් මීරා එයට කැමති නැහැ, මොකද ඇය විවාහක නිසා. නමුත් ගෞතම්ට වෙරෝනිකාත් ප්‍රේම කරනවා ඔහු හා විවාහ වීමේ බලාපොරොත්තුවෙන්. මේ අතරට නැවතත් මීරා ගේ ස්වමි පුරුෂයා පැමිණෙනවා .ගෞතම් කවුරු එක්ක විවාහ වෙයිද ? තිදෙනාගේ මිතු දමට කුමක් සිදු වෙයිද ? මේවට උත්තරය ලබාගන්න නම් ඔයාලට ෆිල්ම් එක බලන්නම වෙනවා…
~විශේෂ ස්තූතිය චරිත පොල්ගස්දෙණිය සහෝට~
සිංහල උපසිරැසි ගැන්වීම “ධනුෂ්ක ලක්මාල් | ධනා ” සහ “දිනේෂ් ගමගේ දෙල්ලව” විසිනි. එම සොහොයුරන් දෙපලට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.
0 comments:
Post a Comment